Skemmdarfýsn

Í fréttinni segir: "Sást til fullorðins manns, um fertugt, í brúnum frakka. Maðurinn er nær sköllóttur og ekur um á Opel Corsa. Hann skvetti rauðri málningu á hús og grindverk Hreiðars." Með öll þessi smáatriði ætti lögreglan að geta fundið manninn. Svo hefur hann væntanlega verið með rauðar (og kannski grænar?) málningarslettur á frakka sínum og líklega buxum og skóm. Nú er bara að fara í gegnum alla skráða Opel Corsa og athuga kyn og aldur eigandans að því gefnu að hann hafi verið á eigin bíl. Líkur eru á að stýri og jafnvel sæti og pedalar bílsins séu með málningarblettum.

 Það er undarleg árátta þessi skemmdarfýsn, sem hefur ekkert upp á sig nema að vekja andúð andúð almennings. Sú andúð beinist gegn málaranum en ekki þolandanum. Þannig snýst svona gjörningur alltaf í höndum gerandans. Hann verður enn meira fyrirlitinn en sá sem skeytunum var beint að í upphafi.

Sást skvetta málningu á húsið

Athugasemdir

[Ellert Júlíusson, 6.8.2009 kl. 23:05]

Veistu hvað...í flestum tilvikum væri ég sammála þér! En ekki núna.

Ég held að flestir Íslendingar vilji helst sjá þessa menn á brott, helst sviftir ríkisborgararétti, landlausir og brottrækir.

Það væri fín lúkning því að aldrei munu þessir aðilar sæta refsingu, annari en þeirri að þeim sé vorkennt þegar einhver raðslettir þá.

[Magnús Óskar Ingvarsson, 6.8.2009 kl. 23:42]

Ellert, takk fyrir innlitið. Ég segi eins og þú að ekki sæi ég eftir þessu liði úr landi. En húsin yrðu náttúrlega eftir og þau hafa ekki brotið á nokkrum manni. Skemmdarverk af hvaða tagi sem er eru óverjandi og gerendum sínum til lítils sóma. Þeir mættu mín vegna verða burt af landi líka.