Aumingja Steingrímur

Vesalingurinn. Nú líður honum illa vegna þess að honum tókst ekki að koma ólögunum í gegn. Forsetinn var svo vondur við hann. Nú verður hann að einbeita sér að því að tala máli Breta og Hollendinga og sannfæra landslýð um að Æseifur sé betri og hagstæðari fyrir Ísland án allra fyrirvaranna en með þeim. Á sama tíma eru breskir og hollenskir og aðrir evrópskir fjölmiðlar fleytifullir af greinum sem breiða út þann boðskap, sem Steingrímur ætti að vera að prédika: Við munum að sjálfsögðu borga nákvæmlega það sem okkur ber samkvæmt hlutlausum dómi.

Það er alveg merkilegt að Steingrímur talar máli Breta og Hollendinga nákvæmlega á meðan þeir sjálfir eru að vakna til vitundar um það að þeir hafi farið gegn okkur með ofbeldi. Getur vitleysan orðið furðulegri? Maður bíður bara eftir að Steingrímur fari að skrifa í bresku blöðin og mótmæla þessari vitleysu í þeim. Eða hvað?

Ríkisstjórnin í vandræðalegri stöðu

Athugasemdir

[Sif Jónsdóttir (IP-tala skráð) 11.1.2010 kl. 15:47]

Það verður væntanlega hans næsta skref að skrifa um það í blöðin í Bretlandi og Hollandi af hverju við eigum að borga.  Hann samdi við Samfylkinguna um að fá þetta mál í gegn fyrir þá og við það ætlar hann að standa.  Hann var greinilega orðin þreyttur á því að vera í stjórnarandstöðu.  Hann talar allt öðruvísu nú heldur en þá. Samt er ekkert nýtt búið að koma fram. -  Ég tel þjóðþing lausnina. Þessi flokkapólitík er orðin of mikil vitleysa fyrir minn smekk.