Dómstólaleiðin

Það er algjör nauðsyn að dómstólaleiðin verði farin í þessu máli. Engin hætta er á að útkoman úr slíku yrði verri en sú niðurstaða sem Jóhanna og Steingrímur gætu hugsanlega náð. Skrýtið ósamræmi kemur fram á milli ummæla íslenskra ráðherra og Hollendingsins. Hann heldur því fram að beðið sé eftir svari Íslands við "tilboði" frá því í vetur. Íslenskir ráðamenn hafa margsagt á síðustu mánuðum að þeir hafi reynt allt hvað þeir geta að fá Breta og Hollendinga að samningaborði, en hafi í engu verið svarað. Við munum að sjálfsögðu borga það sem okkur ber eftir að dómur hefur fallið í málinu. Fyrr en slíkur dómur fellur höfum við um ekkert að ræða við ríkisstjórnir þessara landa.

Dómstólaleiðin í raun farin

Athugasemdir

[Bjarni (IP-tala skráð) 3.6.2010 kl. 20:56]

Því miður eru litlar líkur á því að við vinnum. Bretar og Hollendingar eiga eftir að senda her af lögfræðingum.

[Magnús Óskar Ingvarsson, 3.6.2010 kl. 21:29]

Að við vinnum hvað? Niðurstaðan verður örugglega betri en það sem Jóhanna og Steingrímur eru tilbúin til að samþykkja, svo að vonandi ná þau aldrei fram neinum samningaviðræðum. Við borgum bara það sem dómur tiltekur að við eigum að borga þegar þar að kemur. Einfalt.

[Ómar Bjarki Kristjánsson, 3.6.2010 kl. 22:43]

Og ef dæmt verður svipað og ESA gerði að Ísland ætti að borga 20.000 evrurnar, sem gera þá tæplega 600 milljarða.  Hvernig ætlar þú að borga það?

[Ómar Bjarki Kristjánsson, 3.6.2010 kl. 22:46]

Edit Um 600 miljarða

Kannski verður líka dæmt að Ísland eigi að greiða meira.  Ekki hægt að útiloka það.

Eða hvað, ætla menn kannski að "semja fyrir dómsstólum" eins og einhver stakk uppá?

[Magnús Óskar Ingvarsson, 4.6.2010 kl. 01:14]

Ómar: Steingrímur og Jóhanna eru tilbúin að skrifa undir samninga sem fela í sér miklu hærri greiðslur en það. Hvernig ætlar þú að borga það?

[Guðmundur Ásgeirsson, 4.6.2010 kl. 04:57]

"Her af lögfræðingum" Er það eitthvað að óttast? Við erum með þrjár lagadeildir á háskólastigi hérna á Íslandi, höfum nú smá trú á getu þeirra þar til annað kemur á daginn. Þjóðverjar sem eiga sterkustu handboltadeild í heimi búa yfir "her" af góðum leikmönnum, samt vinnum við þá oft. Stærðin skiptir ekki alltaf máli.

[Ómar Bjarki Kristjánsson, 4.6.2010 kl. 11:37]

"Steingrímur og Jóhanna eru tilbúin að skrifa undir samninga sem fela í sér miklu hærri greiðslur en það"

Nei.

"Hvernig ætlar þú að borga það?"

Eignir hins fallna banka verða hámarkaðar og ganga uppí skuldina á mörgum árum.  Það sem þá kann hugsanlega eftir að standa af íslands hluta skuldarinnar verður greiddur á enn fleiri árum með margskyns hámörkum og skilyrðum etc. sem nánar er farið í samningunum.

Hélt nú að allir vissu þetta eftir þá "litlu umræðu" sem fram hefur farið.

[Magnús Óskar Ingvarsson, 5.6.2010 kl. 18:51]

Og heldur þú, Ómar, að eignir hins fallna banka muni ekki ganga upp í skuldina ef málið fer í dóm? Mér finnst eitthvað skrölta hjá þér, ég bara get ekki að því gert.