Styttist

Nú fer loksins að styttast í rammasamning, sem nauðsynlegt er að fá fram til þess að geta myndað sér skoðun. Svo er bara að samþykkja eða hafna. Nú dynur hræðsluáróðurinn sem aldrei fyrr: Ekkert er í boði nema aðlögun og allt það og hvað það er látið heita. En munum það að möguleikinn á höfnun er til staðar og ef samningurinn hentar ekki þjóðinni þá verður málinu hafnað alveg eins og Icesave. Það er ekkert flókið við það. Þjóðin á síðasta orðið og þannig á það að vera. Allar aðrar útgáfur af þessu eru allsendis ótækar, þar með talið fyrirfram þjóðaratkvæði og eða að draga umsóknina til baka. Það hefði bara það eitt í för með sér að fá aldrei að vita hvað í raun og sann er í boði. Minnir á strút! (Bið strúta afsökunar, því að mér skilst að þessu sé logið upp á þá).

Formlegar viðræður að hefjast

Athugasemdir

[Dexter Morgan, 26.7.2010 kl. 11:57]

Eina rétta í stöðunni í dag er eftirfarandi:

Ný/önnur ríkisstjórn, eða meirihluti þingsins, sem fengi ÞRJÚ verkefni; að afturkalla þessa svokölluðu "umskókn" í ESB, fella "samninginn" um kaup Magma á HS orku úr gildi, og reka þá heim aftur og að lokum; boða til nýrra kosninga í haust.

Aðeins þannig geta Íslendingar haldið inn í framtíðina sáttir og stoltir, ekki sárir og svekktir.

Össur á eftir að fá makleg málagjöld í næstu kosningum fyrir sinn sólóleik í þessu ESB máli.

Og þjóðinn á eftir að "launa" Samfylkingunni með því að kolfella þetta ESB-brölt í þjóðaratkvæðagreiðslu, svo mikið er víst.

[Magnús Óskar Ingvarsson, 26.7.2010 kl. 12:41]

Kannski líður að því að eitthvað af þessu gæti orðið veruleiki. Við verðum víst bara að bíða og sjá.

[Garðar Valur Hallfreðsson, 26.7.2010 kl. 17:53]

Hvernig fer þessi atkvæðagreiðsla fram?  Er það atkvæðagreiðsla um að hætta við umsóknina, eða að segja sig úr ESB?

Ég hef aldrei skilið hvernig menn fá það út að þjóðin fái síðasta orðið því ég skil ekki hvernig það færi fram.   Við erum að byrja aðlögunarferlið og ef menn skilja hvað orðið aðlögunarferli er þá er auðvitað verið að aðlaga okkar lagaramma að ramma ESB, og hægt og sígandi koma okkur nn í sambandið.  Segjum sem svo að aðlöguninni sé lokið, ESB hefur samþykkt okkur og allar undanþágurnar okkar, hvað þá?  Verður atkvæðagreiðsla á Íslandi um að hætta við allt? 

Vonandi er einhver þarna úti sem kann að útskýra svona hluti takk.

[Magnús Óskar Ingvarsson, 26.7.2010 kl. 20:32]

Garðar Valur spyr: „Hvernig fer þessi atkvæðagreiðsla fram? Er það atkvæðagreiðsla um að hætta við umsóknina, eða að segja sig úr ESB?“

Atkvæðagreiðslan fer fram eins og hver önnur þjóðaratkvæðagreiðsla og af því að það er nú stutt síðan að við gengum til einnar slíkrar, þá sé ég ekki ástæðu til að lýsa því nánar. En hvort þetta sé atkvæðagreiðsla um að hætta við umsóknina eða að segja sig úr ESB, þá er nú alveg augljóst að það er hvorugt. Það er ekki hægt að hætta við umsókn ef búið er að afgreiða hana og kannski samþykkja. Verði henni hafnað, þá þurfum við auðvitað ekkert að greiða atkvæði. En það er nú ekki hættan á því. Hitt að segja sig úr ESB er alveg jafn augljóslega vitlaust, því að á þeim tímapunkti yrðum við ekki komin inn í ESB, jafnvel þó að búið væri að samþykkja umsókn okkar. Það er nefnilega skilyrði fyrir aðild að þjóðin sé samþykkt af fyrri aðildarlöndum OG að viðkomandi þjóð sjálf samþykki skilmálana sem samningurinn kveður á um. Hvernig hann verður vitum við ekkert um ennþá. En það er alveg ljóst hvernig spurningin verður í komandi þjóðaratkvæðagreiðslu. Hún verður þannig: Vilt þú að Ísland gerist aðili að Evrópusambandinu (ESB)?  __ Já, ég vil að Ísland gerist aðili      __ Nei, ég vil ekki að Ísland gerist aðili.

Þess vegna má segja að það sé rétt hjá þér, að eftir að aðlögun er lokið og búið er að ganga frá samningum að fullu verður atkvæðagreiðsla: Að hrökkva eða stökkva.

[Garðar Valur Hallfreðsson, 26.7.2010 kl. 23:31]

Hmmmm.... já ok, það er sótt um fyrst og spurt svo, skil þig.