Hvað með 2 peð?

Þetta er alveg eftir Jóhönnu. Því miður mun hvorugur þeirra nýju þingmanna xS sem sátu í nefndinni hafa áttað sig á því að Jóhanna væri fús til þess að fórna þeim ef henni sýndist svo. Hún skirrist ekki við að kúvenda. Það sem fyrir nokkrum dögum var afburða þrekvirki er nú illa unnið og einskis virði. Að minnsta kosti einn af þeim sem ákæra skyldi verður sýknaður fyrir Landsdómi segir Jóhanna. Með þessu er hún að senda Landsdómi fyrirmæli, ef svo skyldi fara að ISG verði ákærð. Vafasamt er hvort dómurinn tekur nokkurt tillit til þessarar skipunar frá Jóhönnu, en fyrirskipunin er samt alls ekki í dulargervi.

 Leitt er að vita til þess að kjarnakonan Oddný Harðardóttir, sem fyrir nokkrum dögum var ítrekað orðuð við ráðherraembætti skuli nú ásamt Magnúsi Orra, samstarfsmanni sínum, allt í einu vera stungin í bakið af Jóhönnu og sökkt á kaf í þann sora sem Samfylkingin virðist vera orðin. En það var ekki við neinu betra að búast af Jóhönnu og verður aldrei. 

Umskipti hjá Samfylkingunni

Athugasemdir

[Þorvaldur Sigurðsson (IP-tala skráð) 21.9.2010 kl. 21:25]

Ágæti Mói!

Af þþví þú munt hafa nokkurn metnað fyrir hönd wikkunnar langar mig til að benda þér á kvikindislega athugasemd sem ég gerði við greinarstubbinn um þórðargleði.  Gætirðu ekki fengið einhvern til að laga þetta svo ég hafi ekki enn fleiuri rök til að rekja nemendum þegar ég vara þá við tilteknum vefsíðum sem sumir þeirra virðast trúa á?

Hafðu það svo ævinlega sem best!

[Magnús Óskar Ingvarsson, 22.9.2010 kl. 11:50]

Takk Þorvaldur!