Hver er skoðun ASÍ?

„Ég tel ekki að ég hafi verið kosinn í þetta embætti til að hafa enga skoðun. Það er alveg klárt. Ég geri skýran greinarmun á því þegar ég er að lýsa yfir minni persónulegu skoðun, að ég tel, og síðan þegar samtökin móta sína stefnu og lýsa sinni skoðun sem samtök“, segir Gylfi Arnbjörnsson.

En Gylfi, hvort ætlar þú að hafa hærra um þína skoðun eða álit ASÍ, sem við skulum ekkert efast um hvernig verður, ef það fær einhvern tímann að koma fram í dagsljósið?

Menn sem eru kjörnir til að vera í forsvari svona almannasamtaka (nánast) verða að gæta sín á því að flagga ekki eigin skoðunum um of. En að sjálfsögðu er þeim frjálst að hafa skoðun. Hún á bara að vera víkjandi fyrir þeirri skoðun sem þeir eru á launum við að verja, ef þetta tvennt stangast á. Annars eiga þeir að segja af sér.

Gylfi: Ekki afstaða ASÍ

Athugasemdir

[Ásthildur Cesil Þórðardóttir, 7.4.2011 kl. 21:19]

Hann flaggaði þessari skoðun sem forseti ASÍ, og það sem meira er eftir því sem mér skilst þá var síðasta dreyfibréf til ASÍ félaga áróðursrit um Icesave.  Maðurinn er bullandi vanhæfur og á að segja af sér ekki seinna en á mánudaginn, eða verða fleygt öfugum út.