Alla tíð augljóst

Það hefur blasað við alveg frá hruni að Bretar og Hollendingar hafa alls ekki viljað að Icesave málið færi dómstólaleiðina. Það fyrsta sem þeir gerðu í viðræðum var að aftaka það með öllu og krefjast þess að samið yrði um málin. Spyrjum nú: Hvers vegna það? Svarið er algjörlega augljóst og hefur alltaf verið það. Dómstólaleiðin hentaði þeim ekki vegna þess að þeir sáu í hendi sér að hver sem niðurstaðan yrði úr dómi, þá væri það þeim ekki hagstætt. Þetta hefur alltaf blasað við. Þess vegna kröfðust þeir samninga. Þeir aumingjar sem fengnir voru til að semja fyrir Íslands hönd gengust undir fáránlegar kröfur, ekki einu sinni heldur tvisvar. Ríkisstjórn Íslands (les: Steingrímur og Jóhanna, því að aðrir mega ekki opna munninn) hefur gengið erinda Breta og Hollendinga í málinu alveg frá öndverðu. Fyrst skyldi Icesave I samþykkt af Alþingi óséð. Það gekk ekki þannig og sú staðreynd er það eina sem hægt er að virða við þá sem skipa þetta þing. Svo var gengið frá Icesave II, sem felldur var í þjóðaratkvæðagreiðslunni í fyrra því að hann var tóm lögleysa frá upphafi til enda. Þá var búinn til Icesave III með tilstyrk þaulæfðra amerískra samningamanna. En hann var alveg sama lögleysan. Vextir hátt í þrefalt hærri en leyfilegt er. Gengist undir að öll vafamál yrðu dæmd eftir breskum lögum og fleiri óhæf atriði. Enda var þessu hafnað í síðustu atkvæðagreiðslu, þar sem nei-ið varð sterkara en nokkur hefði þorað að spá.

Ráðgáta að Ísland skyldi ekki vísa í 111. grein

Athugasemdir

[Elle_, 16.4.2011 kl. 12:51]

Nákvæmlega, Magnús Óskar.  Get nánast endurtekið það sem ég skrifaði í öðrum þræði, það eru svo margir sammála um málið.  Ætlunin var að skrifa undir kúgunarsmaningana óséða.  Og gefa upp alla lögsögu okkar í málinu til óvinarins.  Ætli Jóhanna og hennar EU-flokkur viti nokkuð hvað stóð í samningunum??  Við erum með hættulega stjórnmálamenn við völd.