Grjónjóttur?

Egils gull er góður bjór fyrir þá sem á annað borð þykir bjór góður. En umsögn dómnefndar vakti furðu mína, sér í lagi orðskrípið "grjónjóttur" og var það haft um ilm bjórsins. Mér er spurn, hvað í ósköpunum er grjónjóttur ilmur? Ég held að þetta sé örugglega í fyrsta sinn sem þetta furðulega orð birtist á prenti (ef svo má segja), alla vega finnur Google ekkert annað dæmi en bara þetta. Hvernig var umsögnin á ensku (sem vafalítið hefur verið það mál sem dómnefndin notaði)?

Egils Gull besti „standard lagerbjórinn“

Athugasemdir

[Axel Jóhann Hallgrímsson, 12.11.2011 kl. 09:08]

Ætli dómnefndin viti það sjálf, þetta hefur átt að hljóma gáfulega.

[Magnús Óskar Ingvarsson, 12.11.2011 kl. 13:04]

Orðskrípið er ekki frá dómnefndinni komið, því að hún kann enga íslensku hvað þá að hún hafi heyrt orðið "grjónjóttur". Það er bla-bla maðurinn sem heldur að þetta sé íslenska.

[stebbi (IP-tala skráð) 13.11.2011 kl. 22:36]

Grjónóttur er slæm tilraun til að þýða enska lýsingarorðið 'Grainy' og ætti að þýða frekar sem kornóttur afþví að það er verið að vísa í bragðið af korninu sem er notað við bruggunina.  Egils gull er fremstur meðal jafningja og það er engin spurning um það, þetta er svona eins og að dúxa úr Öskjuhlíðarskóla.

[Magnús Óskar Ingvarsson, 13.11.2011 kl. 22:45]

Nei, stebbi, það er ekki verið að ræða bragð, heldur ilm. Ilmur getur ekki verið "kornóttur", grainy aroma er kornilmur en ekki kornóttur ilmur.