Fyrirgefðu...

"Mamma, fyrirgefðu. Mér þykir þetta leitt.“

Þetta voru ein af síðustu orðum stúlkunnar sem margir ribbaldar nauðguðu í strætisvagni á Indlandi. Þessi orð lýsa sjúku viðhorfi samfélagsins: Ef konu er nauðgað, þá er það alfarið henni að kenna. Mikil vakning virðist vera að eiga sér stað í landinu þessa dagana, en fullkomin spurning er hversu djúpt það ristir þegar frá líður.

Svona hefðbundnum viðhorfum samfélagsins verður ekki breytt á einum degi við það eitt að einhver mótmæli og segi eitthvað. Það þarf að ala upp næstu tvær kynslóðir eða svo með þá hugsun í kollinum að nauðgun sé glæpur. Þá verður kominn meirihluti þjóðarinnar, sem samanstendur af yngstu kynslóðunum, sem þessi afstaða er innprentuð í frá blautu barnsbeini.

Hvíslaði „mamma, fyrirgefðu“

Athugasemdir

[Anna Benkovic Mikaelsdóttir, 3.1.2013 kl. 21:00]

Ekki er Egill gillzenegger að hjálpa til, ef hann er fyrirmynd ungra drengja?

[Magnús Óskar Ingvarsson, 3.1.2013 kl. 21:51]

Nei, vissulega ekki Anna. Við verðum bara að vona að íslenskum drengjum sé nógu vel innprentað að taka ekki mark á honum.