Kristin gildi ráði við lagasetningu

Þetta er öfgafull samþykkt og ekki af hinu góða. Ungliðarnir voru miklu skynsamari í þessu. Afstaða hinna eldri sem náðu þessari samþykkt í gegn byggist á nákvæmlega sams konar öfgahugsun eins og sharia-lögin í islömsku löndunum. Það er ekki heilbrigt. Það er vonandi að ungu sjálfstæðismennirnir haldi fast við sitt, því að þeir munu landið erfa. Kannski vinna þeir að því að skilja á milli ríkis og kirkju endanlega. Það er til skammar að hafa ákvæði í stjórnarskrá sem gerir ráð fyrir sérstakri "ríkiskirkju". Og samt er ákvæði um trúfrelsi og jafna stöðu trúarbragða. Þetta er í mótsögn hvort við annað.

Kristin gildi ráði við lagasetningu

Athugasemdir

[Jón Valur Jensson, 24.2.2013 kl. 04:06]

Jæja, Magnús Óskar, heldur þú að kristinn siður bjóði handarhögg þjófa?

Hvað ertu þá að bera þessa samþykkt saman við hin öfgakenndu sjaríalög?

[Magnús Óskar Ingvarsson, 24.2.2013 kl. 08:03]

Jæja, Jón Valur! Ég ætla bara að biðja þig að lesa almennilega það sem ég skrifaði og vera ekkert að ætla mér aðrar skoðanir en þar koma fram. Mér dettur ekki í hug að líkja okkar löggjöf með neinum hætti við sharía-lögin, hvað þá að ég sé að bera samþykkt sjálfstæðismanna saman við þau. Hvar þykist þú hafa lesið það í mínum skrifum? Hins vegar grundvallast lagasetningin á sömu hugsun ef vilji sjálfstæðismanna fær að ráða samkvæmt þessari samþykkt. Það góða í þessu er þó það að samkvæmt fréttunum þá var þetta mjög umdeilt og samþykkt með afar litlum meirihluta. Unga fólkið sá í gegnum ruglið og á heiður skilinn.