Leiðinlegt

Þegar loksins er komið fyrirtæki sem fæst við „eitthvað annað“ en ál og stíflugerð, þá truflast einhverjir hálfvitar og eyðileggja allt sem verið er að fást við. Verulega leiðinlegt fyrir doktor Björn L. Örvar, sem er frumkvöðull á sínu sviði hér á landi. Ef hann og samstarfsfólk hans fær frið til að ljúka þessum tilraunum mun fyrirtækið hans mala þjóðinni gull. En framleiðslan er á viðkvæmu stigi sem stendur og skemmdarverk geta valdið ótrúlegu tjóni.

Mikið tjón fyrir lítið fyrirtæki

Athugasemdir

[Rafn Haraldur Sigurðsson (IP-tala skráð) 19.8.2009 kl. 16:41]

Það er allt svona hérna, gangstéttar eru þaktar glerbrotum, krotað upp um öll hús, lystaverk krakkanna hann Guttormur í Húsdýragarðinum brenndur. Svona mætti endalaust telja. Við búum í sjúku þjóðfélagi.

Þetta er ömurlegt.

kveðja Rafn.

[Birnuson, 19.8.2009 kl. 16:41]

Það er tímabært að taka upp skynsamlegar refsingar á Íslandi. Hæfileg hegning fyrir þennan glæp er að láta afbrotamennina sjá um að gróðursetja aftur í allan reitinn og hafa viðkomandi svo til sýningar í búri á Lækjartorgi. Að lokum legg ég til að öllum fangelsum á Íslandi verði lokað.

[Þrási (IP-tala skráð) 19.8.2009 kl. 17:09]

Þekkið þið eitthvað inn á erfðabreytta ræktun ?!?

Þetta er mjög umdælt málefni víða.

Aðdragandinn að leyfisveitingu fyrir þessari útiræktun á Íslandi var vægast sagt vafasamur.

Samskonar OldBoysClub bragur og á öðru hér á landi.

Já, Hvanneyri hluthafi og álitsaðili ..

[Þórhallur Pálsson (IP-tala skráð) 19.8.2009 kl. 17:13]

Þetta er miklu verra en bara leiðinlegt.  Það þrífst einhver firring í landinu sem kemur fram í málningarvinnu að næturlagi, aðgerðum hópa á við "saving Iceland", hústökum í Reykjavík og ég veit ekki hvað.  Mig grunar að þetta fólk sem tekur þátt í svona aðgerðum sé fólk sem aldrei hefur þurft að hafa neitt fyrir lífinu í uppvextinum og er veruleikafirrt.

Nú má ekki láta unglinga gera nokkurn skapaðan hlut lengur.  Nú er það skelfilega skaðlegt sem ég og mínir jafnaldrar töldu sjálfsagðan hlut, þ.e. að vinna. Ef það var svona óhollt, þá er ég e.t.v. stórskemmdur einstaklingur og skrílshegðun ungmenna núna bara eðlilegur hlutur.  Samt held ég ekki.

[Birnuson, 19.8.2009 kl. 17:37]

Þrási, það er rétt að ræktun af þessu tagi er umdeild. Skemmdarverk eru hins vegar óumdeilanlega afbrot, og telji menn þau réttlætanleg af einhverjum ástæðum eiga þeir að hafa manndóm til að koma fram undir nafni.

[Ljónsi (IP-tala skráð) 19.8.2009 kl. 18:42]

Ég legg til að settur verði á laggirnar aðgerðahópur gegn Saving Iceland. Meðlimir í þessum aðgerðahópi geta til dæmis verið með á sér grænt skyr eða málningu í blöðrum eða pokum. Svo væri hægt að skvetta á þetta lið þegar sést til þess. Svo er hugmynd að hlekkja sig við SI-liða þegar til þeirra sést. Þetta pakk hefði gott af því að bragða á eigin meðulum.

[Magnús Óskar Ingvarsson, 19.8.2009 kl. 18:49]

Þrási: Þekkir þú inn á hana? Og já. Málefnið er umdeilt. Og veistu hvað það þýðir? Það þýðir að ekki eru allir sammála. Finnst þér að það réttlæti skemmdarverk? Nei, ég segi bara svona!

Birnuson: Eins og þú sérð, þá er ég alveg sammála þér.

Þórhallur: Já það er af sem áður var og heimur versnandi fer gætum við sagt.

[Magnús Óskar Ingvarsson, 19.8.2009 kl. 18:50]

Ljónsi: Sammála þér um Saving Iceland. Það er nú ljóta liðið.