Dómsmálaráðherra hætti við niðurskurð

.... las ég og hélt því að dómsmálaráðherra hefði hætt við niðurskurð. En svo las ég fréttina og áttaði mig þá á því að dómsmálaráðherra hafði alls ekki hætt við niðurskurð (og mundi kannski alls ekki gera það). Hér var hins vegar um áskorun að ræða, þ.e. ósk eða von einhvers, sem beindi tilmælum til dómsmálaráðherra. Þannig var fyrirsögnin í viðtengingarhætti, en ég hafði skilið hana í þátíð. Þannig leiddi þessi fyrirsögn mig á algjörar villigötur.

Dómsmálaráðherra hætti við niðurskurð

Athugasemdir

[Árni Karl Ellertsson (IP-tala skráð) 29.10.2009 kl. 12:42]

Þetta eru furðufuglar þessir blaðamenn hjá Mogganum.

[Árni Gunnarsson, 29.10.2009 kl. 13:07]

Blaða-og fréttamenn eru orðnir miklu lærðara fólk en fyrir nokkrum áratugum. Þá dugði flestum að hafa þrælað sér gegnum barnaskólana enda var námsefni þar sterkari bakhjarl við málnotkun en nokkur ár í háskóla í dag. Aldrei hefði Villi á Brekku sofið dúr eftir að hafa orðið á málvilla í texta. Í dag kunna fæstir fréttamenn að raða orðum í frétt. Niðurstaða: Aftur til fortíðar!

[Magnús Óskar Ingvarsson, 29.10.2009 kl. 16:57]

Já, Moggamenn eiga mörg málblóm í garði sínum. Hins vegar er það svo að hér er ekki um málvillu að ræða, en óheppilegt að velja að segja frá þessu í viðtengingarhætti, þegar framsöguháttur hefði ekki getað misskilist.