Loksins

Mikið var að kom að því að maður fari nú að fá einhverjar bitastæðar upplýsingar um það hvernig aðild okkar gæti orðið háttað en ekki bara innantómar fullyrðingar andstæðinga og eða fylgjenda. Ég hef alltaf verið stuðningsmaður þess að sótt yrði um aðild. Það segir ekki að ég komi til með að verða stuðningsmaður aðildar, ég veit bara ekkert um það. Ég vil leggja mitt mat á þann samning sem kann að verða gerður og um hann kýs ég þegar þar að kemur. Ég hef aldrei getað skilið hræðslu manna við að fara norsku leiðina ef því er að skipta. Ekki bara einu sinni, heldur tvisvar, hafa Norðmenn sótt um og gert samning, sem þjóðin síðan hafnaði. Það er bara hið besta mál ef samningamenn geta ekki gengið í takt við þjóðarviljann. Þeir sem halda fram þeirri firru að ef við förum inn, þá komumst við aldrei út, verða að svara mér því hvort að þeim sé ókunnugt um Grænland. Grænland sagði sig úr ES og var ekki í neinum vandræðum með það. Hvers vegna skyldi það verða vandamál fyrir okkur ef svo bæri undir? Svo líka hitt, að um sé að ræða fullveldisafsal og þjóðin verði ósjálfstæð. Ekki nema það þó. Enginn þeirra áróðursmanna sem halda þessu fram hefur nokkru sinni þorað að segja að Þýskaland, England, Frakkland, Ítalía og Spánn og svo öll hin ríkin séu ósjálfstæð og hafi glatað fullveldi sínu. Þetta er marklaust bull. Bíðum eftir samningum og tökum svo afstöðu.

Samþykkt að hefja viðræður

Athugasemdir

[Andrés.si, 17.6.2010 kl. 14:20]

Ég var einu sinni stuðningsmaður. Svo þegar maður bera sama eitt og eitt sér bara að um alt annað en samband ríkja er að ræða.  Ef svo væri ekki hefður Bulgaria og Rumenia aldrei stigið inn í EB.  Að auki var Jugóslavía betri módel af ríkja sambandi heldur er það EB.

[Geir (IP-tala skráð) 17.6.2010 kl. 14:20]

Bíddu bara, nú fer heilaþvotturinn á íslendingum að byrja fyrir alvöru.

[Andrés.si, 17.6.2010 kl. 14:24]

Um heilaþvottin var ég að tala fyrir ári og hálf siðan.   Samt vildu ráðamenn aldrei tala um kostnað við ingöngu og svo kostnað með að vera í klubbnum.  Hvað er það mörg Icesave upphæðir  í 10 árum?

[Magnús Óskar Ingvarsson, 17.6.2010 kl. 17:33]

Takk fyrir innlitið Andrés og Geir.

Andrés: Mér finnst furðulegt að því skuli haldið fram að Júgóslavía hafi verið betra ríkjasamband en Evrópubandalagið. Júgóslavía hékk saman á hræðslu við ofríki einræðisherrans Títós og molnaði í sundur daginn sem hann hrökk upp af (eða þannig). Og svo þetta varðandi kostnaðinn: Það virðist erfitt að draga það upp úr Össuri, enda held ég að hann hafi bara ekki hugmynd um það frekar en við. Það er einmitt eitt af fjölmörgu, sem ég er að vona að ég fái svör við, þegar samningar liggja fyrir. En við skulum hafa eitt á hreinu: Það er ekki bara um kostnað að ræða. Það eru líka styrkir. Við höfum notið ótrúlegra styrkja í gegnum EES og það fjárstreymi mun bara aukast trúi ég. En það er líka eitt af því sem mig vantar svör við og mun hafa áhrif á mína afstöðu þegar hún fer að mótast.

Geir: Já, alveg vafalaust. En inn á milli koma líka upplýsingar sem eitthvað verður að marka. Og við verðum að treysta á að fólk geti greint á milli marklauss áróðurs annars vegar og haldbærra upplýsinga hins vegar. En við getum líka báðir bara beðið! Því að alveg er öruggt að það verður lygaþvættingsáróður á báða bóga á næstunni. Það er ekkert bara annar aðilinn sem fer með fleipur. Þess vegna vantar haldbærar upplýsingar.

[DG, 18.6.2010 kl. 01:52]

Wake up, danger ahead