Landeyjahöfn

Blaðamenn mbl.is eru þekktir fyrir slappa málkennd og lélega kunnáttu í móðurmáli sínu. Það er þeim til skammar. Hér í þessari frétt er talað um Landeyjarhöfn. Sú höfn er hvergi til. Höfnin er kennd við Landeyjar, sem í eignarfalli er Landeyja og ég held að umræddir blaðamenn gætu fundið það út sjálfir ef þeir nenntu bara að fallbeygja orðið. Af því að eignarfallið er til Landeyja, þá heitir höfnin Landeyjahöfn en ekki Landeyjarhöfn. Er þetta flókið? Nei.

Ekki tókst að ljúka sanddælingu

Athugasemdir

[Rafn Haraldur Sigurðsson (IP-tala skráð) 31.10.2010 kl. 16:57]

Mér skilst að það sé nú búið að endurskýra hana og að nú heiti hún Sandeyjahöfn, frekar en Sandeyjarhöfn.

[Arnór Baldvinsson, 31.10.2010 kl. 17:02]

Sæll Óskar,

Mér skilst að gárungarnir hafi skýrt höfnina Pearl Harbor;)

Kveðja

[Magnús Sigurðsson, 31.10.2010 kl. 18:54]

Sæll nafni, mér skilst að hér sé um svokallað "verkfræðiundur" að ræða.  Hvernig það beygist í eignarfalli gæti verið snúið fyrir fleiri en blaðamenn mbl.

[Magnús Óskar Ingvarsson, 31.10.2010 kl. 19:43]

Magnús: Þetta á ekki að vera snúið fyrir nokkurn Íslending. Ég held að beyging nafnorða sé enn kennd í barnaskólum, þó að mér sé ljóst að móðurmálskennslu hefur hrakað mjög síðustu áratugi.

[Magnús Óskar Ingvarsson, 31.10.2010 kl. 19:48]

Rafn: Ef nafngiftin er dregin af nafni sanddæluskipsins, heitir það ekki (Sandey?), þá skal það tvímælalaust vera Sandeyjarhöfn frekar en Sandeyjahöfn. Það er vegna þess að Sandey í eintölu (eins og hér er um að ræða) beygist þannig: Sandey - Sandey - Sandey - Sandeyjar og samsetning orðanna Sandey og höfn verður því Sandeyjarhöfn.

[Magnús Óskar Ingvarsson, 31.10.2010 kl. 19:50]

Arnór: Pearl Harbor, skemmtileg hugdetta!  8>))