Slöpp málkennd 11

Þessi frétt er frekar dæmi um kæruleysi í vinnubrögðum og áhugaleysi gagnvart því sem verið er að gera en „slappa málkennd“. En fingurbrjótarnir eru of margir til að við verði unað án athugasemda.

Hálkublettir er á Hellisheiði.                                          eru

Á Sunnanverður Vestfjörðum er hálka                         sunnanverðum

snjókoma á Hálfdán, á Klettsháls er þungfært            Hálfdáni ... Klettshálsi

Hálka og stórhríð er frá Hofsós í Ketilás.                      Hofsósi

Til sanns vegar má færa að þetta séu allt smáatriði. En höfum það í huga að margt smátt gerir eitt stórt og svona lagað ber kæruleysinu vitni. Ég er viss um að sá sem skrifaði fréttina býr yfir kunnáttunni sem til þarf.

 

Holtavörðuheiði ekki fær fyrr en á morgun

Athugasemdir

[Dagur Torfason (IP-tala skráð) 2.11.2010 kl. 20:01]

Þetta er hægt að laga enn frekar.

Hálka og stórhríð er frá Hofsós í Ketilás. Hofsósi

Hálka og stórhríð er frá Hofsósi til Ketiláss.

[Magnús Óskar Ingvarsson, 2.11.2010 kl. 20:37]

Rétt hjá þér Dagur. Þetta er mun betra. Takk.

[Atli (IP-tala skráð) 2.11.2010 kl. 21:35]

Það er samt málvenja að segja frá Hofsós í ...

[Dagur Torfason (IP-tala skráð) 2.11.2010 kl. 21:58]

Gæti verið rétt hjá þér með málvenjuna þegar ég hugsa um það.

Er ós þá talið kvenkynsorð eins og rós? 

[Magnús Óskar Ingvarsson, 3.11.2010 kl. 02:07]

Dagur: Nei, ós er karlkynsorð.

Atli: Sumar málvenjur eru beinlínis rangar. Það á reyndar ekki við um þetta.

[Valur H (IP-tala skráð) 3.11.2010 kl. 08:29]

Mikill og mikill, þá hefur hálka skipt um kyn...

[Margrét Sigurpálsdóttir (IP-tala skráð) 3.11.2010 kl. 08:51]

Mætti líka benda á innsláttarvilluna í fyrsta orði greinarinnar "Holtavöruheiði er ófær".

[Dagur Torfason (IP-tala skráð) 3.11.2010 kl. 11:51]

Ég veit að ós er karlkynsorð, var bara að velta því fyrir mér af hverju það væri notað sem kvenkynsorð í málvenjunni um Hofsós.