Á tvítugsaldri

Hér segir frá því að tveir menn á tvítugsaldri hafi verið handteknir fyrir að halda 16 og 17 ára stúlkum í kynlífsánauð. Það er ánægjulegt að takast skyldi að frelsa stúlkurnar. En svo er það aldur fólksins sem kemur við sögu. Orðasambandið "á tvítugsaldri" er venjulega ekki notað í íslensku, en væri það gert ætti það við um einstaklinga á aldursbilinu 10-20 ára. Semsagt að þessar stúlkur sem frelsaðar voru eru "á tvítugsaldri" ef við viljum nota það orðalag. Alveg er ég viss um að mennirnir tveir voru eitthvað eldri og hafa miðað við frásögnina trúlega verið á milli tvítugs og þrítugs. En þá er talað um að fólk sé á þrítugsaldri. Léleg íslenskukunnátta blaðamannsins skín hér í gegn.

Unglingsstúlkum bjargað úr kynlífsánauð

Athugasemdir

[HB (IP-tala skráð) 11.3.2012 kl. 18:45]

Rosalega ert þú klár að geta bent á þetta.

[kallpungur, 11.3.2012 kl. 20:15]

Samkvæmt fréttinni í The Local eru mennirnir sem umræðir nítján ára annarsvegar og tvítugur hinsvegar, þannig að blaðamaðurinn er ekki að fara villur vegar. Það er best að lesa með gagnrýnum augum flesta fréttamiðla, en þar sem vísað er í frétt með hlekk er best að kynna sér málið til hlítar  áður en farið er að gagnrýna.