Lengi skal manninn reyna...

Þessu hefði ég aldrei trúað að fenginni allri fyrri reynslu af Birni Val: Hér tekst honum í fyrsta sinn sem ég veit um að mæla af viti. Það er líka allmerkilegt að Steingrímur var ekki búinn að gefa opinbera línu í málinu áður, en Björn Valur hefur virst vera málpípa hans í einu og öllu hingað til, sama hvaða lygi Steingrímur hefur þurft að troða ofan í kok þjóðarinnar hverju sinni.

Hins vegar var Sigmundur Rúnar á rangri braut í Kastljósinu í kvöld, brjálaður að eigin sögn og virtist telja eðlilegt að ráðherra brjóti landslög ef svo vill verkast.

En merkilegt er það að enginn hefur nefnt hinn augljósa möguleika að feta í slóð Magma Energy. Huang Nubo getur stofnað skúffufyrirtæki í Evrópu og látið það kaupa allt sem hann langar í. Þá er ekkert hægt að segja eða gera.

Kanni áhuga Huang á fjárfestingum