Þyrlan sótti sjúkling; röng ráðstöfun

Á milli Reyjavíkur og Stykkishólms eru gefnir upp 172 km, segjum bara 180 km. Sjúkrabifreið ekur á 120 km/klst eða meira á köflum og er þess vegna í mesta lagi 1 1/2 klst á leiðinni. Eins og kemur fram í fréttinni var þyrlan kölluð út "á sjötta tímanum". Þetta er nú frekar ónákvæmt, en segjum að það hafi verið klukkan hálf sex, sem getur passað við það að hún lagði upp klukkan 6:50. Hún lendir síðan við sjúkrahúsið í Reykjavík kl. 7:30 samkvæmt fréttinni. Sem sagt: Það tekur þyrluna í þessu tilviki 2 klukkustundir að koma sjúklingnum á leiðarenda, þar sem sjúkrabíllinn hefði þurft eina og hálfa. Til þess að rétt sé að senda þyrlu þarf annað hvort að vera um miklu lengri vegalengd að ræða eða þá staðsetningu þar sem engum bíl er fært eða torfærur. Tekið er fram í fréttinni að konan hafi verið mjög veik. Því hefði verið sjálfsögð ráðstöfun að senda lækni með henni í sjúkrabíl. Það hefði líklega verið svona 10 sinnum ódýrara og auk þess 30 mín fljótlegra og minna álag á sjúklinginn heldur en þyrluflugið er. Svo að þessi ráðstöfun virðist hafa verið alveg kolröng.

Þyrlan sótti sjúkling

Skuldaþakið rís loks, heimskreppunni frestað

Nú verður haldið reisugildi í Bandaríkjunum. Minn kæri vinur, Obama, er brosleitur á myndinni sem fylgir þessari frétt. Þetta er þó ekki annað en gálgafrestur og lengt í hengingarólinni eins og sagt er.

Það er engin ástæða til þess að ætla að það reynist BNA auðveldara að greiða skuldirnar síðar heldur en nú. Þá verður aftur kallað eftir hækkun skuldaþaksins. En svo kemur bara að því að lánardrottnar missa alla trú á getu Bandaríkjanna til þess að endurgjalda skuldirnar og neita að lána þeim. Þá skiptir engu máli hversu hátt Bandaríkjaþing lyftir þaki sínu, fjármagn fæst ekki lengur.

Þegar að þessu kemur (ekki ef) fer allt á annan endann á öllum fjármálamörkuðum heims. BNA er hnignandi stórveldi. Hvern sjá menn fyrir sér sem arftaka? Auðvitað það ríki heims sem skilað hefur mestum hagvexti allra ríkja nú í bráðum tvo áratugi og er að auki allra ríkja fjölmennast, það er að segja Kína. Það skiptir ekki máli í þessu sambandi hvernig vesturlöndum líkar það. Austrið mun taka yfir og er að því, hægt en örugglega.

Skuldaþakið rís loks

„Bandaríkin eru sníkjudýr“

„Landið lifir á lánum. Það lifir um efni fram og færir ábyrgðina yfir á önnur lönd. Þannig hegðar það sér eins og sníkjudýr,“ sagði Pútin við unga stuðningsmenn sína á fundi í miðhluta Rússlands í dag.

 Það er alveg heilmikið til í þessu hjá karlskömminni.

„Bandaríkin eru sníkjudýr“

Frumvarpinu hafnað

Frumvarpið, sem fulltrúadeildin hafði samþykkt um hækkun skuldaþaksins, var fellt í öldungadeildinni. Það blæs ekki byrlega fyrir Obama núna. Talið er að þingdeildirnar muni semja um helgina og komast að einhverju samkomulagi til þess að koma í veg fyrir greiðslufall Bandaríska ríkisins á þriðjudaginn kemur.

Hækkun skudaþaksins þýðir það eitt að skuldir Bandaríkjanna verða auknar til þess að stand straum af þeim afborgunum sem nú eru á gjalddaga. Það hefur bara í för með sér að innan skamms (í síðasta lagi á næsta ári) gjaldfalla ennþá hærri afborganir. Ekki verður séð að ástandið í Bandaríkjunum sé þannig núna að ástæða sé til að ætla að þeir muni eiga fyrir afborgunum þá frekar en nú.

Það líður því óðum að því sem hér hefur áður verið haldið fram: Bandaríkin munu lenda í mjög alvarlegum greiðsluvanda. Það þýðir bara það sama og að segja að heimskreppa skelli á. Því miður er allt útlit fyrir það fljótlega.

Öldungadeildin hafnaði frumvarpi

Orðrómar eru á kreiki um slátrun á lambakjöti

Er það svo, já. Orðrómur er eintöluorð og þó svo að eitthvað sé altalað þá er samt um orðróm að ræða og engin leið er að hafa það í fleirtölu frekar en til dæmis orðið mjólk. Blaðurmenni skilja þetta líklega ekki eða þá illa, en góðum blaðamönnum er þetta að sjálfsögðu vel ljóst. Það er bara alltof mikil leitun að þeim.

Það má samt vera mbl.is fólkinu til einhverrar huggunar að aldrei hef ég séð hjá þeim annan eins fáránleika og heyrðist í fréttum RÚV í gærkvöldi. Þar var rætt um slátrun á lambakjöti. Já, hahaha, slátrun á lambakjöti!

Apple ríkara en Bandaríkin

Þá er nú ekki mikið mál að leysa vandann. Auðvitað á að þjóðnýta Apple og greiða upp allar skuldir USA. Apple má svo eiga rest og allir geta vel við unað! Er það ekki bara?

Apple ríkara en Bandaríkin

Obama varar við djúpri kreppu ef ...

ekki verður hækkað skuldaþakið. Blessaður kallinn, mér líkaði afburðavel við hann fyrst. Það var flott hjá honum í baráttunni þegar hann sagði að Washington þarfnaðist handleiðslu fullorðinna. Það var 100% rétt hjá honum. En það sem er öllu verra fyrir hann er að það er 100% rétt ennþá. Honum hefur ekki tekist að veita þá handleiðslu fullorðinna sem þörf er á.

Hann virðist halda, eða talar allavega þannig að manni finnst hann halda, að bara ef skuldaþak Bandaríkjanna verður hækkað þá muni kreppan hverfa. Það er tóm vitleysa og ég held að hann viti það. Hann langar bara til að verða forseti Bandaríkjanna aftur og þess vegna er honum mikil nauðsyn á því að fresta kreppunni fram yfir næstu kosningar. Það er samt svo augljóst að kreppan mun skella yfir þetta stórveldi hræsninnar fyrr eða síðar og í raun er hún nú þegar skollin yfir þá.

Þegr það gerist mun margt  láta undan. Mörg lönd í Evrópu eu nú þegar komin allt of langt í skuldasúpuna. Ef önnur lönd eiga að bjarga þeim hrökkva þau líka fram af brúninni. Þegar Bandaríkin lenda í greiðsluþroti (það er ekkert ef með það) þá hrannast vandamálin upp hjá fleiri Evrópuríkjum sem aldrei fyrr. Það er orðið of seint að snúa við nú þegar. Spurningin er bara hversu lengi tekst ráðamönnum þjóðanna að láta almenning halda að þeir hafi einhver ráð uppi í erminni til þess að hafa stjórn á fjármálunum. En þegar til kastanna kemur verður gripið í tómt.

Varar við djúpri kreppu

Óhugsandi að Bandaríkin lendi í greiðslufalli?

Við vitum það núorðið Íslendingar að eitt og annað sem er óhugsandi gerist einmitt. Hrunið okkar var algjörlega óhugsandi þangað til löngu eftir að það var orðið. Aðrar þjóðir, svo sem eins og Danir, sáu hrunið fyrir hjá okkur, en við gerðum út heilu ráðherranefndirnar til þess að koma Dönunum og fleirum í skilning um að slíkt væri óhugsandi. Nú er þessi staða uppi í Bandaríkjunum. Ýmsar aðrar þjóðir hafa vaxandi áhyggjur af skuldastöðu Bandaríkjanna, en eins og kemur fram hér í fréttinni telja Bandaríkjamenn sjálfir, að greiðslufall af þeirra hálfu sé óhugsandi. Eina leiðin til að koma sér út úr skuldafeninu er samt sem áður sú að stórauka skuldirnar. En þá stefnir bara í svipað og gerðist hjá okkur. Allt í einu verður öllum lánalínum lokað og hrunið verður staðreynd.

Ef eitthvað er hægt að læra af sögu mannkyns síðustu árþúsundin þá er það sú staðreynd að stórveldi koma og fara. Ekkert bendir til þess að Bandaríkin séu þeirrar náttúru að verða eilíf. Líklega hafa þau þegar náð sínum hápunkti og eftir það er leiðin bara niður á við. Hvað eigum við að segja, 200 ár? Eða kannski að það sé allt of mikil bjartsýni, hver veit. Við bíðum bara í 200 ár og sjáum til.

Óhugsandi að Bandaríkin lendi í greiðslufalli

Leit stendur yfir af... segja blaðurmennin

Í íslensku er talað um að leita að en ekki að leita af. Blaðurmenni eru beðin um að leggja það á minnið.

Enn leitað á Fimmvörðuhálsi

Olíuslóðir víðar en á Miklubraut

Ég og spúsa mín ókum frá Höfn í Hornafirði til Egilsstaða og Þaðan til Akureyrar og svo heim á Suðvesturhornið í dag. Á leiðinni var heitast 19°C á Egilsstöðum og 18°C uppi á Möðrudalsöræfum. Þegar við komum í Ljósavatnsskarðið í 18°C hita voru áberandi tjöruflekkir í hjólförunum, því að klæðningin bráðnaði í hitanum. Þetta var mjög áberandi og alveg samfellt í Ljósavatnsskarði, síðan blettir í Víkurskarði og á Svalbarðsströnd. Eftir það urðum við ekki vör við þetta fyrr en undir Hafnarfjalli, en það voru mjög minniháttar blettir, enda hafði dagurinn verið mun kaldari þar.

 Eitthvað umþrjúleytið minnir mig, vorum við vestast í Ljósavatnsskarðinu og keyrðum þá fram á slysstað, þar sem smábíll hafði lent í samstuði við rútu og var utan vegar. Lögreglan var á staðnum og því var þarflaust að stoppa, en í útvarpinu heyrðum við síðar að engin slys höfðu orðið á mönnum við þetta óhapp.  En þar sem slysið varð var vegurinn allur löðrandi í bráðinni tjöru. Skyldi hún ekki hafa orðið völd að þessu óhappi?

Olíuslóð á Miklubraut