Sandwich-eyjar

Þó að enska orðið sandwich sé í daglegu tali haft um samloku þá er alveg út úr kú og lýsir bara vanþekkingu að halda að það gangi að kalla Suður-Sandwich-eyjar "Samlokueyjar". Eyjarnar, sem eru í Suður-Atlantshafi,  fengu nafnið árið 1775, þegar James Cook landkönnuður fann þær. Hann hafði engan veginn samloku í huga við nafngiftina, heldur gaf hann þeim nafnið til heiðurs ákveðnum manni, sem var John Montagu, 4. jarlinn af Sandwich. Titillinn er kenndur við stað í Kent á Englandi, sem heitir Sandwich og þegar rætt er um þann stað þá dettur engum í hug samloka. Upphaflega var Sandwich Islands nafn á þeim eyjum sem í dag heita Hawaii-eyjar. Suður- forskeytið var notað til aðgreiningar. Raunhæft er að kalla eyjarnar Sandvíkureyjar, það er þó allavega hljóðlíking og líklega merkingarlega rétt líka, allavega er sandvík í Kent rétt hjá smábæ sem heitir Sandwich. En samlokan á ekki erindi hingað.

 

Samlokueyjar skulfu

"Stelpurnar okkar" gera það gott

Mjög góð frammistaða íslenska liðsins þarna suðurfrá vekur athygli alheimsins á Íslandi. Stelpurnar hafa sýnt það að liðið hefur karakter en þó benda fréttir til þess að í leiknum gegn Kína hefðu þær mátt vera heilsteyptari.

Vonandi vinna þær sætan sigur á Rússum!

 

Hrafnhildur: Verður fínt að slá út heimsmeistarana

Magmaleikurinn endurtekinn og Nubo kaupir Grímsstaði

Ef ég man rétt þá var það Katrín Júlíusdóttir sem leiðbeindi Kanadamönnum í gegnum lagafrumskóginn og lét ráðleggja þeim að stofna skúffufyrirtæki í Svíþjóð, því að þá mættu þeir í nafni þess kaupa það sem þeir annars mættu alls ekki kaupa. Farið var yfir allt það ferli á sínum tíma og það metið löglegt. Og nú ætlar hún að endurtaka leikinn og leiðbeina Huang Nubo í gegnum frumskóginn svo að hann geti fjárfest hér eins og hann lystir. Hversu ógeðfellt sem þetta nú er, þá er alveg ljóst að þetta er löglegt. Það kæmi mér alls ekki á óvart að endalokin yrðu þau að Huang Nubo keypti Grímsstaði eftir allt saman. Það verður gert undir hentifána einhvers Evrópuríkis sem hýsir skúffufyrirtæki hans a la Magma Energy SE.

Sakar Ögmund um dylgjur

Má maður vona?

Kannski verður þetta banabiti þessarar ömurlegustu ríkisstjórnar allra tíma á Íslandi. Jóhanna og Jón Bjarnason komin í hár saman, það er hið besta mál. Ögmundur hundskammaður af Sigmundi Erni, ljómandi. Hvað í helv... er að Steingrími, af hverju er hann ekkert að rífa sig þessa dagna? Ólíklegt er að hann beri klæði á vopnin, hann er ekki þeirrar gerðar. Má maður vonast eftir kosningum sem allra, allra fyrst? Það er nauðsyn að sparka æði mörgum út sem nú eiga sæti á þingi og fá inn nýtt fólk. Endurnýjunin síðast var of lítil og nýja fólkið hefur verið allt of leiðitamt. Samt verður að halda endurnýjuninni áfram.

Þetta er ekki stjórnarfrumvarp

Velferðarstjórnin á villigötum

Ríkisstjórnin okkar nú um stundir er á slíkum algjörum villigötum að maður botnar ekki í neinu. Allar hennar aðgerðir eða í flestum tilvikum aðgerðaleysi hvað það varðar að vera skjöldur og hlíf fólksins í landinu hafa frekar snúist upp í það að verja fjármagnið og samþjöppun þess í stað þess að tryggja meiri dreifingu.

Allt sem Benedikt segir í bréfi sínu er satt og rétt. Maður hefði ekki búist við neinu slíku af vinstri flokki, hvað þá flokki sem telur sig jafnaðarflokk. Þetta er sá argasti ójöfnuður, sem nokkru sinni hefur sést hér á landi.

Segir sig úr Samfylkingunni

Fjöldamótmæli

Hvað er að gerast í Bandaríkjunum? Ljóst er að þar er upplausn í þjóðfélaginu, sem að því leyti stendur á fallanda fæti. Hins vegar er mjög undarlegt að nær allar fréttir af aðgerðum mótmælenda og lögreglu koma frá Bretlandi, aðallega BBC og Guardian. Hvers vegna eru engar fréttir frá amerísku fréttastofunum?

Það vekur ugg þegar sagt er frá því í fréttum að blaðamenn séu reknir af vettvangi og hótað handtöku að öðrum kosti. Þá er eitthvað svart í bígerð. Fréttamenn skulu halda sig fjarri, ekki segja frá athöfnum mótmælenda og því síður segja frá athöfnum lögreglu og/eða þjóðvarðliða. Spúkí.

Undirbúa fjöldamótmæli í New York

Lengi skal manninn reyna...

Þessu hefði ég aldrei trúað að fenginni allri fyrri reynslu af Birni Val: Hér tekst honum í fyrsta sinn sem ég veit um að mæla af viti. Það er líka allmerkilegt að Steingrímur var ekki búinn að gefa opinbera línu í málinu áður, en Björn Valur hefur virst vera málpípa hans í einu og öllu hingað til, sama hvaða lygi Steingrímur hefur þurft að troða ofan í kok þjóðarinnar hverju sinni.

Hins vegar var Sigmundur Rúnar á rangri braut í Kastljósinu í kvöld, brjálaður að eigin sögn og virtist telja eðlilegt að ráðherra brjóti landslög ef svo vill verkast.

En merkilegt er það að enginn hefur nefnt hinn augljósa möguleika að feta í slóð Magma Energy. Huang Nubo getur stofnað skúffufyrirtæki í Evrópu og látið það kaupa allt sem hann langar í. Þá er ekkert hægt að segja eða gera.

Kanni áhuga Huang á fjárfestingum

Fólk geti skilað íbúðum - lyklafrumvarpið

Er ekki þetta komið frá Lilju Mósesdóttur? Eru tillögur hennar nú komnar inn á borð Sjálfstæðisflokksins? En hvað um það, þetta mál er eitt af því sem núverandi stjórnvöld brugðust í strax í upphafi síns valdaferils. Þá stefndu þau Grímur og Djóka að því að afnema verðbæturnar og voru búin að lofa því en létu fjármagnseigendur kjafta sig frá því og það var allt svikið eins og hvað annað. Það sem íslenska þjóðin hefur fengið í mestu magni frá þessu liði er svik á svik ofan.

Fólk geti skilað íbúðum

Fullt af viti

Þessi tillaga Péturs er það vitrænasta sem sést hefur í kvótaumfjöllun. En einmitt vegna þess að það er vit í þessu og aldrei má styðja nokkurn skapaðan hlut frá "hinum", sér í lagi ef það skyldi nú vera vit í því, mun þessi tillaga engan framgang hljóta. Málum verður þannig stýrt að  ef hún fær nokkra afgreiðslu, þá muni henni ekki ljúka fyrir þinglok og þannig verður málinu ýtt út af borðinu. Þannig eru vinnubrögðin á Alþingi, sem vill svo að fyrir því sé borin virðing.

Allir fái veiðiheimildir

The Idiot

Mér er í minni atvik úr menntaskóla. Einn bekkjarbróðir var tekinn upp í frönskutíma og stóð greinilega ekki undir væntingum kennarans, sem var þekktur fyrir að vera hvatvís og láta allt flakka. Þetta var á þeim árum þegar kennarar og nemendur þéruðust. Sem nú nemandinn svaraði einhverju kolvitlaust segir kennarinn allt í einu:

Heyrið mig, hafið þér nokkuð lesið söguna The Idiot eftir Dostojevski?

Nei, svaraði nemandinn umsvifalaust, en hafið þér nokkurn tímann lesið söguna The Selfish Giant eftir Oscar Wilde? Samræðurnar urðu ekki lengri.