Ekki vafi

Það er ekki minnsti vafi í mínum huga, að hér er um pólitísk afskipti að ræða af hálfu Steingríms J. Hann hefur sjálfur viðhaft þau ummæli opinberlega, að eðlilegt sé að fjármálaráðherra stjórni Landsvirkjun að vild sinni. Og hann og hans flokkur er á móti öllum orkufrekum iðnaði, hverju nafni sem nefnist og hvar sem vera skal. Það talar skýru máli, að þegar þingmenn þessa fyrirbæris, sem kallar sig Vinstri-grænir, heyrðu fréttir af því, að Alcoa hefði dregið sig til baka frá Bakka, úr sjálfu kjördæmi fjármalaráðherrans, þá klöppuðu þeir. Þessum manni er algjörlega sama um allt sem heitir atvinnuástand, fólksflótti, spekileki, velferð, hagvöxtur ...   bara að halda atvinnulífinu niðri og hækka svo skattana. Fullyrðir samt að engar skattahækkanir séu í fjárlagafrumvarpinu, sem er helber lygi eins og flest sem frá þessari mannleysu kemur. Mér detta í hug nokkur orð komin frá Þórarni Eldjárn:

Í miðju kafi brems...

Hverfandi líkur á að álver rísi í Helguvík

Krókódílstár

Ég er þeirrar trúar að Steingrímur gráti krókódílstárum yfir afsögn stjórnar bankasýslunnar. Það gefur honum færi á að koma leiðitamari einstaklingum þangað inn. Hins vegar kemur á óvart að hann skuli ekki sjá neitt athugavcert við ráðningu Páls Magnússonar. Samkvæmt fréttum er sú ráðning lögbrot, því að lög áskilja að forstjóri Bankasýslunnar hafi bæði menntun og reynslu á sviði fjármála, en Páll hefur hvorugt. Hann er hins vegar menntaður guðfræðingur og ætti því að ganga kirkjunni á hönd og öll reynsla hans er pólitísk frá ráðherratíð Valgerðar Sverrisdóttur, þegar bankarnir voru gefnir vildarvinum tveggja flokka.

Harmar afsögn stjórnarinnar

Þak fauk af flugvelli

Það gengur mikið á í veðrinu þegar þök fjúka. En það hefði nú þurft að skrifa stóra frétt um þau miklu tíðindi að flugvellir séu komnir undir þak í útlandinu.

Þak fauk af flugvelli í Algarve

Óljóst

Ekkert varð af formannskjöri, sem var á dagskrá landsfundar Samfylkingarinnar klukkan 11 í dag. Eina gilda framboðið sem barst var frá Jóhönnu Sigurðardóttur, núverandi formanni og forsætisráðherra, og var hún því sjálfkjörin.

Þannig hefst þessi frétt. Það sem stingur og vekur athygli frekar en annað er eitt orð. "Eina gilda framboðið... "

Hvers vegna er notað orðið "gilda"? Bárust einhver framboð sem voru ógild? Frá hverjum þá? Eða er þetta bara ennþá eitt klúður fréttamanns mbl?

Skýringu vantar.

Jóhanna sjálfkjörin

Að rífa kjaft

Forsetinn rífur kjaft, segir Björn Valur Gíslason sem sjálfur er í hópi örgustu dóna sem sæti eiga á Alþingi, friðarspillir og þekktur fyrir það helst og fremst að rífa kjaft. Honum ferst.

Forsetinn friðarspillir

Falið atvinnuleysi

Svo skal böl bæta að benda á annað verra. Þá geta allir vel við unað ef einhver fyrirfinnst einhvers staðar sem kemst ver af að einhverju leyti en maður sjálfur. En það er auðvitað tómt mál að tala um það atvinnuleysi sem mælist eftir að tugir þúsunda hafa verið hrakin úr landi vegna atvinnuleysis og þúsundir í viðbót hafa tekið upp á því að sækja skóla, sem að öðrum kosti hefðu ekki gert það. Störfum í landinu hefur lítið eða jafnvel ekkert fjölgað síðustu misserin, svo að atvinnuleysislækkunin sem um er rætt stafar öll af skólanámi og landflótta. Steingrímur og Jóhanna reisa sér traustan minnisvarða með þessum hætti. Jóhanna er svo oft búin að lofa fjölgun starfa í þúsundatali og þegar hún þarf að svara fyrir ástandið eru helstu rök hennar alltaf að þúsundir starfa séu rétt handan við hornið og birtist öll bara innan skamms. Öll þau störf komi til vegna dugnaðar ríkisstjórnarinnar en atvinnuleysið viðvarand sé hins vegar bara atvinnulífinu sjálfu að kenna.

Lítið atvinnuleysi á Íslandi í alþjóðlegum samanburði

Þrjú dæmi felld út

Hvar getur maður fengið upplýsingar um það hvaða dæmi þetta voru?

En þetta er náttúrlega alveg afbragðsaðferð til þess að bæta árangur samræmdra prófa: Ef "prófið er of þungt" = menn eru ekki ánægðir með einkunnirnar, þá skulum við bara sleppa erfiðistu dæmunum og gefa einkunnir eins og þau hafi aldrei verið með. Þá hækkar meðaltalið hraustlega og allir verða ánægðir.

Þrjú dæmi felld úr stærðfræðiprófi

Loksins! Húrra fyrir Ögmundi

Eftir allt of langa bið er nú kannski eitthvað að fara að gerast í þessum endemis málum. Að minnsta kosti tveir sakborninganna eru látnir, þeir Sævar Ciesielski og Tryggvi Rúnar Leifsson. Réttarhöldin í þessum málum á sínum tíma voru slíkt moldviðri fáránleika að við fátt verður jafnað annað en galdraofsóknir og rannsóknarrétt. Allar líkur benda til þess að sakborningar hafi verið píndir til að játa hvaðeina sem að ruglaðir rannsakendur vildu ná fram. Vonandi kemur einhver glóra út úr starfi þessa starfshóps eða nefndar. Hverjir eiga sæti í henni?

Starfshópur um Geirfinnsmál

Hið ósagða

Þessi frétt er um margt merkileg, aðallega fyrir ýmislegt sem ekki er sagt, en hægt að reikna út frá því semþó er sagt. Lykillinn að þessu er "Samanlagt virði útfluttra sjávarafurða var 220 milljarðar króna á síðasta ári" eins og segir í fréttinni. Þar kemur fram að sjávarafurðir séu 25% af heildarvirði útflutnings og þjónustu, en þá má reikna að þetta heildarvirði sé 880 milljarðar. Einnig er sagt að útfl. sjávarafurðir séu 39% af heildarvirði útflutningsvara, sem þá reiknast 564 milljarðar króna. En þetta gefur okkur að hlutur þjónustu í heildarvirði útfl. og þjónustu sé 316 milljarðar króna, eða 35,9%, það er að segja talsvert miklu hærri en heildarhlutur sjávarútvegsins í þessum 880 milljörðum. Þetta þýðir það að 39,1% af heildarvirði útflutnings og þjónustu komi frá öðrum greinum en sjávarútvegi og þjónustu. Það gerir svo mikið sem 344 milljarða króna. Dæmið má því setja upp svona:

Heildarvirði útflutningsvara:      564 milljarðar króna

Útfluttar sjávarafurðir:         220 milljarðar króna 

Annar vöruútflutningur:       344 milljarðar króna

Þjónusta:                                 316 milljarðar króna

Samals vörur og þjónusta:      880 milljarðar króna

 

 Í lok fréttarinnar kemur svo: "Um 8600 manns starfa beint í sjávarútvegi á Íslandi eða um 5,2% af heildarvinnuafli."  Þetta segir með öðrum orðum að heildarvinnuafl Íslendinga telst vera 165 þúsund manns, eða annar hver Íslendingur.

En þessir 8600 sem starfa beint í sjávarútvegi leggja þá til þjóðarbúsins 220ma/8600 sem gerir um það bil 25,6 milljónir á mann. Svo getur hver og einn fundið út hve stór hluti þess kemur til hans/hennar í formi launa. 

Ísland 17. mesta fiskveiðiþjóðin

Björn Valur er líkast til ræfill

Mér sýnist að það sé endanlega að koma í ljós að ræfildómur Björns Vals ríður ekki við einteyming. Honum getur varla verið svona tamt að kalla menn ræfla hér og hvar um jarðarkúluna nema að hann sé af þeirri sortinni sjálfur. Eða hvað?

Kallar Berlusconi „ræfil“